Ноокатта үйдөн чыккан өрттөн 2 аял, бир өспүрүм жана бир наристе каза болду

Ноокатта үйдөн чыккан өрттөн 2 аял, бир өспүрүм жана бир наристе каза болду. Бул тууралуу ӨКМнын басма сөз кызматы билдирди.

Алдын ала маалымат боюнча, Ноокат району, Көк-Жар айылында жайгашкан турак үйдөн өрт чыккандыгы тууралуу маалымат түшкөн. 

"Жерине өрттү өчүрүүгө саат 06:50дө КР ӨКМнин жалпы эки өрт өчүрүүчү бөлүм тартылган, өрт саат 09:28де чектөөгө алынган.

Кырсыктын кесепетинен 2 аял 41 жаштагы Ж.Г., 39 жаштагы Ж.А. жана эки жаш бала 12 жаштагы Ж.С., 2 жаштагы Х.М. каза болду",- деп айтылат маалыматта.

Учурда өрттү толук өчүрүү иштери жүргүзүлүүдө.