Кыргызстандын Коопсуздук кеңешинин катчысы Марат Иманкулов Түрк мамлекеттер уюмунун башкы катчысы Кубанычбек Өмүралиев менен жолугушту. Бул тууралуу президенттин администрациясынан билдиришти.
Марат Иманкулов Кыргызстандын төрагалыгы алдында өтө турган Түрк мамлекеттер уюмуна мүчө мамлекеттердин Коопсуздук кеңештеринин катчыларынын 4-жолугушуусуна сапаттуу даярдык көрүүнүн маанилүүлүгүн белгиледи.
Тараптар жалпы коопсуздук маселелерин чечүү жана ТМУга мүчө мамлекеттердин ортосундагы кызматташтыкты бекемдөө жана Жакынкы Чыгыш регионунда жана бүтүндөй дүйнөдө күч алып келе жаткан окуяларды эске алуу менен түрк регионунда тынчтыкты жана туруктуулукту камсыз кылуу үчүн координацияны жана жамааттык аракеттерди күчөтүү боюнча аракеттерди бириктирүү зарылдыгын белгилешти.
Пикирлер (0)
Пикир жок. Сиз биринчилерден болушуңуз мүмкүн