Lexus-470 үлгүсүндөгү унаа Чычкан суусуна түшүп кетти

2-июнда Жалал-Абад облусунун Токтогул районунда Бишкек – Ош унаа жолунун 275-чакырымында Lexus-470 үлгүсүндөгү унаа Чычкан суусуна түшүп кеткен. 

Чычкан капчыгайында катталган кырсыкта унаанын ичинде 5 адам болгон, анын ичинен 2 адам жеңил жаракат алышып, тез жардам кызматы тарабынан ооруканага жеткирилген. Бактыга жараша каза болгондор жок.

 Унаанын ээсинин кайрылуусунун менен Чычкан суусунан чыгарып берүүгө көмөк көргөзүү үчүн жерине Токтогул райондук №97 ӨКБдан 5 куткаруучу жана 23-жол тейлөө ишканасынан 1 жүктөгүч, ИИМден 1 экипаж тартылды.

Натыйжада сууга түшүп кеткен унааны чыгарып, ээсине өткөрүп беришкен.