Эл өкүлү Жыргалбек Турускулов бүгүн, 21-майда Жогорку Кеңештин жыйынында кримтөбөл Азиз Батукаевди берүүнү талап кылуу жаатында Кыргызстан кандай жыйынтыкка жетишкенине кызыкты.
Өз кезегинде башкы прокурор Өткүрбек Жамшитов кайрылуу
жөнөтүлгөнүн жана 2021-жылы Россия тарап ишти кайрадан кароого даяр
экендиктерин белгилешкенин маалымдады. Буга Азиз Батукаевдин 2017-жылы төрт жылга
соттолуп, учурда жазасын өтөп жаткандыгы себеп болгон.
Сөз соңунда депутат көзөмөл органын мыйзам үстөмдүгүн орнотуу багытындагы чараларды күчөтүүгө чакырып, прокуратуранын ишинин ачык-айкындуулугу калктын ишениминин өсүшүнө жол ачарын кошумчалады.
2019-жылы камактагылардын 144ү экстрадицияланганын маалымдап, алардын көпчүлүгү Россия менен Казакстандан алынып келгенин Өткүрбек Жамшитов кошумчалады.
Пикирлер (0)
Пикир жок. Сиз биринчилерден болушуңуз мүмкүн