Кыргызстанда коронавирусту жуктуруп алган 3 жаран менен чогуу келген адамдардын барынан анализ алынды. Бул тууралуу саламаттык сактоо министринин орун басары Төлө Исаков бүгүн, 18-мартта маалымат жыйында билдирди.
Анын айтымында, коронавирус табылган адамдар менен бирге учакта 135 адам болгон. Алардын бары такталып, бардыгынан тең анализ алынды.
Министрдин орун басары анализдин жыйынтыктары качан чыгарыла турганын айткан жок.
Азырынча бул адамдардын баары абсервацияда жатат.
Ошондой эле, ал бүгүнкү күндө абсервацияда кармалгандардын көбү "Манас" аэропорту аркылуу учуп келгенин, учурда алар Бишкек жана Ош шаарларында обсервацияда экенин айтты.
Пикирлер (0)
Пикир жок. Сиз биринчилерден болушуңуз мүмкүн