Азыр “Коопсуз шаардын” негизинде айып салынбай жатат

Учурда “Коопсуз шаар” боюнча айып пулдар каралган жок. Бул тууралуу бүгүн. 30-апрелде Жогорку Кеңеште Ички иштер министри Кашкар Жунушалиев айтты.

Депутат Рада Туманбаева посттордон унааларды өткөргөндө кошумча “Коопсуз шаардын” алкагында айып пулдарды карап жатканын айтып, эл кыйналып жатканда унаалар атайын жайларга жеткирилгени канчалык деңгээлде туура экенин сурады.

“Учурда “Коопсуз шаар” боюнча айып пулдар каралган жок. Ал эми айып аянтчасына токтотулгандар мурдагы айып акчаларын төлөбөгөн унаалар”, - деди Жунушалиев.