“Борей-А” долбоору боюнча жасалган “Князь Владимир” суу алдында жүрүүчү стратегиялык максаттагы ракеталык атомдук кемеси 12-июнда белгиленген Россиянын күнүнө карата өлкөнүн Аскер-Деңиз Флотунун курамын толуктады деп билдирди РИА “Новости”.
“Князь Владимирди” курууга 8 жыл убакыт кетти жана ал россиялык флоттун эң жаңы заманбап кемелеринин бири болуп калмакчы. Кеме 16 даана “Булава” баллистикалык ракеталары менен куралданган.
Россиянын Аскер-Деңиз Флотунун башкы командачысы адмирал Николай Евменов суу алдында жүрүүчү төртүнчү муундагы жаңы кеменин экипажы өз милдеттерин аткарууга даяр деп айтты.
Кошумчаласак, расмий маалыматтар боюнча 2019-жылы Россиянын Аскер-Деңиз Флотунун курамында 69 суу алдында жүрүүчү ар кандай класстагы жана максаттагы кемелер болгон.
Пикирлер (0)
Пикир жок. Сиз биринчилерден болушуңуз мүмкүн