Кыргызстанда форель балыгы үчүн тоют чыгарган биринчи завод ачылганын Кыргыз-Орус өнүктүрүү фондунун басма сөз кызматы билдирди.
Заводдун өндүрүмдүүлүгү суткасына 30 тоннага жетет. Өндүрүлгөн көлөм ата мекендик балык чарбаларынын тоютка болгон муктаждыгынын 50%ын жабууга жетет.
«Биз бара-бара компания бүтүндөй ички рынокту толук камтып гана тим болбостон, өз продукциясын ЕАЭБ өлкөлөрүнө экспорттойт деп үмүттөнөбүз», - деди Фонддун башкармалыгынын төрагасы Артем Новиков.
Долбоорду ишке ашыруу үчүн фонд ата мекендик "Салих LTD" компаниясына 1,3 млн доллар бөлгөн, бул инвестицияланган каражаттардын 70%ын түзөт. Завод эң акыркы жабдыктар менен жабдылган жана бардык эл аралык стандарттарга жооп берет.
Пикирлер (1)