Өлкөдө дары-дармектер менен камсыздоо иштеринде оор мүчүлүштүктөр жаралууда. Бул тууралуу Кыргызстандагы Фармацефтикалык кеңешинин төрагасы Эрнис Асанов бүгүн, 20-апрелде онлайн брифингде билдирди.
Анын айтымында, коронавируска байланышкан абалдын курчушунан улам дары-дармектерге
жана медициналык коргонуу каражаттарына болгон баалар кымбаттап жатат. Бүгүнкү күндө
сырттан келген дары каражаттары мурдагы баасына салыштырмалуу 7-8 долларга
көтөрүлдү.
“Бирок биз буга карабай, дары-дармек ташып келген компаниялар менен сүйлөшүүлөрдү жүргүзүп, маселени чечүүнүн аракетиндебиз. Баалар кымбаттаганы менен тартыштык жок”, - деди ал.
Асанов билдиргендей, баанын өсүшү доллардын курсунун кескин көтөрүлүп кеткендиги менен да шартталууда.
Пикирлер (0)
Пикир жок. Сиз биринчилерден болушуңуз мүмкүн