2024-жылдын башына карата Эмгек, социалдык камсыздоо жана миграция министрлигинин аймактык бөлүмдөрүндө 266 бала туулгандыгы тууралуу күбөлүгү жок деп каттоого алынган. Бул тууралуу министрликтин маалымат кызматы кабарлады.
Билдирмеге караганда, 2023-жылдын башында туулгандыгы тууралуу күбөлүгү жок балдардын саны 445 адамды түзгөн. Быйыл бул сан 40,2 пайызга азайган.
Балдардын документтеринин жок жүрүшүнүн негизги себептери:
• ата-энесинин өздүгүн тастыктоочу документтеринин жоктугу;
• балдардын үй шартында төрөлүшү;
• ата-энелердин туруктуу каттоосунун жоктугу.
Министрлик ата-энелерди жоопкерчиликтүү болууга чакырып, аймактык бөлүмдөр балага документ алууга жардам бере турганын эскертти.
Пикирлер (0)
Пикир жок. Сиз биринчилерден болушуңуз мүмкүн