Кара-Көл шаарында өспүрүмгө карата ыплас аракеттерди жасаган шектүү камакка алынды. Бул тууралуу Жалал-Абад облустук ички иштер башкармалыгынан билдиришти.
Маалыматка ылайык, бул окуя боюнча жабырлануучу тарап 11-апрелде Кара-Көл ШИИБне арыз менен кайрылган. Арыз кылмыштардын бирдиктүү реестрине катталып, териштирүү башталган жана тиешелүү экспертизалар дайындалган.
Текшерүүнүн жүрүшүндө окуя 31-март күнү болгону такталган жана КР Кылмыш-жаза кодексинин 158-беренеси (ыплас аракеттер) менен кылмыш иши козголгон.
Тергөөнүн жүрүшүндө кылмышка шектүү 62 жаштагы Кара-Көл шаарынын тургуну Т.А. камакка алынды.
Учурда кылмыш иши боюнча тергөө амалдары жүргүзүлүп жатат.
Пикирлер (0)
Пикир жок. Сиз биринчилерден болушуңуз мүмкүн