Ысык-Көл облусунун Жети-Өгүз районундагы Балтабай жана Кытай айылдарынын ортосунда «Мерседес-Бенц Спринтер 313» үлгүсүндөгү унаа менен 4 жылкынын катышуусунда жол кырсыгы катталды. Бул тууралуу окуянын күбөлөрү билдиришти.
Маалыматка караганда, кечээ, 14-октябрь күнү саат 15:35 чамасында Балыкчы—Бөкөнбаев—Каракол унаа жолунун 211-чакырымында Дархан айылынын 1988-жылы туулган тургуну А.Д. «Мерседес-Бенц Спринтер 313» үлгүсүндөгү унаасы менен чоң жолдо баратып, байкоосуздан 4 жылкыны сүзгөн.
Кырсыктын кесепетинен 4 жылкы тең мүрт кетти. Автоунаага материалдык чыгым келтирилди. Ал эми айдоочу ооруканага кайрылган эмес, абалы туруктуу.
Булак: "Турмуш"
Пикирлер (0)
Пикир жок. Сиз биринчилерден болушуңуз мүмкүн