Эртең Бишкектин айрым жерлеринде убактылуу суу болбойт. Бул тууралуу шаардык мэрия билдирет.
Маалыматка ылайык, эртең, 5-июнда саат 9:00дөн 18:00гө чейин Байтик баатыр – Элебаев – Кулатов көчөлөрү, Геологиялык чолок көчөсү – Лев Толстой – Жукеев Пудовкин (Горький көчөсүнөн төмөн) – Матросов – Ибраимов көчөлөрү менен чектешкен жерде суу берүү өчүрүлөт.
Бул убакта "Бишкексууканал" муниципалдык ишканасы шаардын суу түтүктөрүн оңдоо иштерин пландоодо.
Бишкек мэриясы келтирилген ыңгайсыздыктар үчүн кечирим сурайт жана мекеме-уюмдарды жана шаар тургундарын ичүүчү сууну алдын ала камдап алууларын суранат.
Пикирлер (0)
Пикир жок. Сиз биринчилерден болушуңуз мүмкүн