Бүгүн, 10-февралда Түркия Республикасынын президенти Режеп Тайип Эрдоган зилзаланын курмандыктары 18 миң 991 кишиге жеткенин билдирди. Бул тууралуу "ТРТ Хабер" маалымдады.
Эрдогандын айтымында, кырсыктан 75 миң 523 жаран жабыркаган.
"Өлкөбүздө оор кырдаал учурунда дүкөндөргө, маркеттерге жана ишканаларга кирип уурулук кылып жаткандар бар. Алар кармалган учурда эң оор жазага тартылат",- деди президент Эрдоган.
"Зилзала катталган аймактагы эвакуацияланган жарандарыбыз башка региондордо бир жыл акысыз ижарага үй алып жашай алат",- деп кошумчалады түрк президенти.
Пикирлер (0)
Пикир жок. Сиз биринчилерден болушуңуз мүмкүн