Вице-премьер министр Эльвира Сурабалдиева педофилдердин бирдиктүү картасын түзүүнү сунуштады. Бул тууралуу ал өзүнүн Фейсбук баракчасына жазып чыкты.
"Мектептен баштап элементардуу нерселерди - бала-кыздарыбызга чоочундарды ээрчибегиле, машинасына отурбагыла, такыр сүйлөшпөгүлө, алданбагыла дегенди да үйрөтүү керек экен. Педофилдер ким экенин чоңдору да билбеген учурлар бар. Интернеттеги порнографияга өспүрүмдөр үчүн чектөө болушу зарыл - балдарыңардын телефондорун, компьютерлерин акыркы жолу качан текшердиңиздер эле?
Ушундай карталар бизге да керек. Ар бир ата-эненин, жалпы эл-журтубуздун назарына чыгарбасак болбой калды. 13-жаштагы кызды бир нече эркек зордуктаганы далилденгенде, айылдаштагылар, тескерисинче, ал кыздын өзүн, ата-энесин күнөөлүү кылып салган учурга баардыгыбыз күбө болдук.
Кыргызстандагы педофилдердин картасын түзүп, ачыкка чыгарганына сиздердин ой-пикириңиз кандай? Же "байкуштардын" жакындары бар, уят деп, аларга да боору ооругандар барбы?",- деп жазылат билдирүүдө.
Пикирлер (0)
Пикир жок. Сиз биринчилерден болушуңуз мүмкүн