Бүгүн Жогорку Кеңештин депутаттары Фархад Исмаилов, Таалайбек Масабиров жана Кундузбек Сулайманов Түркиянын Кыргызстандагы элчилигине барып, көңүл айтып кайтышты. Бул тууралуу парламенттин басма сөз кызматы билдирди.
Депутаттар Атайын жана толук ыйгарым укуктуу элчи Ахмет Садык Доган менен жолугушуп, көңүл айтуу китепчесине Түркия элинин кайгысын тең бөлүшөрүн, жарадар болгон жарандар тезирээк сакайып кетишин тилеп жазышты.
Ошондой эле депутаттар менен чогуу Кыргызстан дин башкармалыгынын башчылары ж.б. белгилүү дин ишмерлери апааттан набыт болгон жарандардын арбагына багыштап куран окуду.
Депутат Фархат Исмаилов эки айлык маянасын жардам катары атайын эсепке которду.
Пикирлер (0)
Пикир жок. Сиз биринчилерден болушуңуз мүмкүн