Бүгүн, 2023-жылдын 15-ноябрында Жогорку Кеңештин пленардык жыйынында депутат Мирлан Самыйкожо казинолордун ишин жандантуудан өлкө канча киреше алгандыгын сурады.
Буга экономика министринин орун басары Айнура Үсөнбекова казинолор 90 миллион сом салык төлөсө, 210 миллион сом лицензия сатуудан түшкөнүн айтты.
Депутат буга чейин казинолордун ишин жандантуудан бюджетке жылына 2 миллиард сомдон ашык киреше түшөрүн айтып келишкенин эске салды.
Министрдин орун басары бул жалпы негизги эсептөөлөр деп жооп берди.
Депутат Кыргызстанда казино ачылгандан кийин Кыргызстанга туристтердин агымы көбөйдүбү деген суроого Үсөнбекова туристтер үчүн Кыргызстанда казинонун ачылышы өлкөгө келүүнүн факторлорунун бири деп жооп берди.
Белгилей кетсек, жыйында “Кыргыз Республикасындагы оюн-зоок иши жөнүндө” мыйзамга өзгөртүүлөрдү киргизүү тууралуу” мыйзам долбоору каралып жаткан.
Пикирлер (0)
Пикир жок. Сиз биринчилерден болушуңуз мүмкүн