Айыл чарбасын каржылоо программасынын алкагында ата мекендик өндүрүш компанияларына жана кайра иштетүү ишканаларына колдоо көрсөтүү максатында 800 млн сом бөлүнгөн.
Вице-премьер-министр Эркин Асрандиев бүгүн, 14-майда Жогорку Кеңештин жыйынында билдиргендей, бул каражаттар насыялык негизде берилген жана мөөнөтү өтө кыска, 10 айлык убакытка 8 пайыз менен таратылган.
“Биз бул чечимди март айында ун жетишпей ажиотаж болуп кеткен маалда жана буудай кирбей калган учурда азык-түлүк коопсуздугун камсыз кылуу максатында шашылыш кабыл алганбыз. Бул акчалардын бардыгы жыл аягына чейин төлөнүп бүтүшү керек”, - деди вице-премьер.
Депутат Тазабек Икрамов бул насыяларды акчасы бар бай адамдар гана алып жатканын белгилеп өттү.
Пикирлер (0)
Пикир жок. Сиз биринчилерден болушуңуз мүмкүн