Бүгүн, 10-майда Кыргызстандын Улуттук банкы 200, 500 жана 1000 сомдук номиналындагы банкноттордун 5-сериясын жүгүртүүгө чыгарды. Бул тууралуу Улуттук банктын маалымат кызматы билдирет.
Маалыматка ылайык, жаңы сериядагы банкноттор улуттук валютаны жүгүртүүгө киргизилишинин 30 жылдыгына арналат.
“Аталган банкноттор жогорку деңгээлдеги коргоо элементтеринен турат. Андагы Кыргызстандын тарыхый-маданий мурастарын чагылдыруусу өзгөрүүсүз калды. Алдыңкы бетиндеги искусство жана маданият чеберлеринин портреттери, арткы бетинде республиканын ажайып кооз жерлери сакталды. Банкноттордун негизги түсү жана өлчөмү дагы өзгөрүүсүз калды",- деп айтылат билдирүүдө.
Пикирлер (0)
Пикир жок. Сиз биринчилерден болушуңуз мүмкүн