Өкмөттөгү кара жумуштардын баарын жасаган киши – Кубатбек Боронов. Анын премьер-министрлик кызматка дайындалышы адилеттүүлүк. Мындай пикирди депутат Руслан Казакбаев бүгүн, 17-июнда Жогорку Кеңештин жыйынында өкмөттүн түзүмүн жана программасын аныктоо маселесин карап жатканда билдирди.
“Менин жаңы өкмөт башчысына
сунушум: пандемия маселесине өзгөчө көңүл буруп, ооруканаларда кошумча
орундарды даярдоо, экинчиден азык-түлүк коопсуздугун камсыз кылуу жана
антикризистик программасын элдин талкуусуна коюп коюуңуз”, - деген сунушун
билдирди депутат.
Ошондой эле ал парламенттик
шайлоодо Кубатбек Боронов жана анын командасы негизги иштерди алып бара
турганын айтып, ачык-айкын, калыс, адилеттүү өткөрүүнү уюштуруп берүүнү өтүндү.
“Эгерде шайлоо таза өтпөсө коомчулук арасында саясий, руханий силкинүү күтүп
турат”, - деди Казакбаев.
Пикирлер (0)
Пикир жок. Сиз биринчилерден болушуңуз мүмкүн