Бишкек жана Ош шаарларын кошкондо 9 аймакта ооруканалардын курулушу жана оңдоо иштери жүрүп жатат. Бул тууралуу премьер-министр Кубатбек Боронов 19-августтагы брифингде билдирди.
Анын айтымында, курулуш иштери белгиленген мөөнөттө аяктайт.
"Курулуш иштерине акча жетпей, ооруканалардын курулушу бүтпөй калат деген маалыматтар чындыкка дал келбейт. Ооруканалар тиешелүү жабдыктар менен жабдып, өз мөөнөтүндө бүткөрүлөт. Бул боюнча Саламаттыкты сактоо министрлигине тапшырмалар берилген. Курулуш иштери аба ырайынын өзгөрүшүнө байланыштуу 4-5 күнгө кечигиши мүмкүн. Бирок, курулуш токтоп калбайт, ал өз убагында бүткөрүлөт. Ар бир оорукананын курулушу боюнча өкмөт күн сайын маалыматтарды алууда", - деди өкмөт башчы.
Пикирлер (0)
Пикир жок. Сиз биринчилерден болушуңуз мүмкүн