Бишкекте, Чүй облусунун Ички иштер башкы башкармалыгынын экстремизмге жана мыйзамсыз миграцияга каршы күрөшүү кызматынын кызматкерлери Хизб-ут-Тахрирдин жалданма жаранын кармашты. Бул тууралуу облустук Ички иштер башкармалыгынын басма сөз кызматы билдирди.
«Фейсбук социалдык тармагында Кыргызстанда тыюу салынган Хизб-ут-Тахрир диний-экстремисттик уюмунун идеологиясын жайылткан аккаунт аныкталды. 23-февралда Бишкектеги үйлөрдүн биринде ыкчам кызматкерлер тарабынан бул аккаунттун артында жашырынып жүргөн 42 жаштагы Жалал-Абад облусунун тургуну кармалган», - деп билдиришти ОИИБден.
Кармалган адам убактылуу кармоочу жайга киргизилди. Учурда тергөө иштери жүрүп жатат.
Пикирлер (0)
Пикир жок. Сиз биринчилерден болушуңуз мүмкүн