Мэриянын маалымат кызматы 21-март, Нооруз майрамында, ордо калаада өтчү иш-чаралардын программасын жарыялады.
Билдирмеге караганда, 20-марттан 22-мартка чейин масштабдуу иш-чаралар өткөрүлөт. Майрамга карата "Ала-Тоо" борбордук аянты улуттук стилде жасалгаланууда.
"Бул күндөрү көргөзмө, мастер-класстар, спорттук оюндар, ошондой эле улуттук тамак-аш зоналары уюштурулат", — деп жазылат кабарда.
Мэриянын майрамдык программасы:
- 20-март саат 13:00дө "Ала-Тоо" аянтында улуттук спорт оюндары башталат. Саат 14:00дөн 22:00гө чейин шаардыктарга концерттик программа тартууланат;
- 21-март саат 9:00дө башкы аянтта майрамдык иш-чара өтөт. Саат 12:15тен 22:00гө чейин шаардыктарды эстрада жылдыздарынын катышуусунда концерттик программа күтөт;
- 22-март саат 10:00дө улуттук спорттук оюндар башталып, саат 14:00дөн 22: 00гө чейин концерттик программа тартууланат.
Пикирлер (0)
Пикир жок. Сиз биринчилерден болушуңуз мүмкүн