Бүгүн Бишкекте тышкы иштер министри Жээнбек Кулубаев Түркмөнстандын министрлер кабинетинин төрагасынын орун басары - тышкы иштер министри Рашид Мередов менен жолугушту.
Ведомстводон маалымдашкандай, жолугушуунун жүрүшүндө министрлер соода-экономикалык, инвестициялык, транспорттук-логистикалык, энергетикалык тармактардагы кыргыз-түркмөн кызматташтыгынын актуалдуу маселелерин жана башка маанилүү багыттарды жана эки тараптуу өз ара аракеттенүүнүн келечегин талкуулашты.
Алдыда бийик жана жогорку деңгээлдеги иш сапарларды уюштурууга жана өткөрүүгө, келишимдик-укуктук базаны өстүрүүгө, ошондой эле эл аралык уюмдардын алкагында өз ара аракеттенүүгө өзгөчө көңүл бурулду.
Бул контекстте министрлер президент Садыр Жапаровдун Түркмөнстанга (2021-жылы 27-28-июнь) расмий сапарынын алкагында жетишилген макулдашууларды ишке ашыруунун жүрүшүн талкуулашты.
Эки өлкөнүн тышкы саясат ведомстволорунун башчылары Кулубаев менен Мередовдун консультацияларынын жыйынтыгы боюнча Кыргызстан менен Түркмөнстандын Тышкы иштер министрликтеринин ортосунда 2025-2026-жылдарга кызматташуу программасына кол коюлду.
Пикирлер (0)
Пикир жок. Сиз биринчилерден болушуңуз мүмкүн