Бишкек шаарындагы Чоң Чүй каналына түшүп кеткен 5 жана 13 жаштагы балдар менен өздүгү аныктала элек киши изделүүдө. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, Биринчи Май районунда 10-август күнү Патрис Лумумба көчөсүндө ЧЧК (БЧК) кичине бала 2015-жылы туулган чөгүп кеткен. 16-август күнү издөө иштерин улантуу үчүн КР ӨКМнен жалпы 25 куткаруучу тартылган.
Ошондой эле Свердлов районунда 15-август күнү Учкун кичи районунда ЧЧК (БЧК) 2007-жылы туулган бала чөгүп кеткен. 16-август күнү издөө иштерине КР ӨКМнин Бишкек шаары боюнча башкармалыгынын Куткаруу кызматынын куткаруучулары тартылган.
Мындан сырткары, Биринчи Май районунда 16-август күнү Ленская көчөсүндө ЧЧК (БЧК) эркек киши чөгүп кеткен (аты-жөнү такталууда). 16-август күнү издөө иштерине КР ӨКМнин №1 өрткө каршы бөлүгүнүн куткаруучулары тартылган.
Бүгүн, 17-август күнү издөө иштери улантылат.
Пикирлер (0)
Пикир жок. Сиз биринчилерден болушуңуз мүмкүн