Бишкек — Ош трассасынын Токтогул районундагы бөлүгүнө кар көчкү түшкөнүнө байланыштуу жол жабылды. Бул тууралуу Жол кыймылы коопсуздугун камсыздоо башкы башкармалыгы (ЖКККББ) билдирди.
Маалыматка караганда, 14-март күнү жолдун 223,5-чакырымына көлөмү 550 куб метр, узундугу 150 метр, бийиктиги 3,5 метрлик көчкү түшкөн. Жабыркагандар жок.
Учурда атайын техника жолду тазалап жатат. ЖКККББ айдоочуларды зарыл иш болбосо тоолуу аймактарга барбай турууну сунуштады.
Пикирлер (0)
Пикир жок. Сиз биринчилерден болушуңуз мүмкүн