Июль айында майнинг фермалардын салык төлөөсүнөн бюджеттин кирешеси 10 млн 414,8 миң сомду түздү. Бул тууралуу Финансы министрлигинин бюджеттин аткарылышы боюнча отчетунда айтылат.
Жети айда эле казына бул салыктан 44 миллион 198 миң сомго толукталды.
Төлөмдөр жылдын экинчи кварталынан баштап тез өсө баштады. Апрель-июль айларында бюджетке 37 миллион 540,6 миң сом түшкөн, же бардык төлөмдөрдүн 85 пайызын түзгөн.
Мында түшүүлөрдүн эң көп көлөмү июнь (10 млн 544,3 миң сом) жана июль (10 млн 414,8 миң сом) айларында катталган. Эң аз 2023-жылдын февраль айында төлөнгөн — 738 миң сом.
Пикирлер (0)
Пикир жок. Сиз биринчилерден болушуңуз мүмкүн