Базар-Коргон районунда сел сууларынан улам 10 турак үйдүн короолору жабыркады. Бул тууралуу ӨКМдин басма сөз кызматы билдирди.
Маалыматка караганда, 5-августта саат 19:00 чамасында жаап өткөн жамгырдын кесепетинен кокту-колоттордон келген сел суулары Арсланбап айылында жайгашкан 10 турак үйдүн короолорун каптаган жана 1 сарайдын дубалын бузуп кеткен.
Мындан сырткары ички чарбалык унаа жолдун 1000 метрин, Кызыл-Алма сел өтүүчү сайынын 200 метр аралыгын кум шагылга толтурган жана 1 электр мамычасын кулаткан.
Жерине ӨКМдин Базар-Коргон райондук бөлүмүнөн ыкчам топ, ЖК комиссиясы, айыл аймактан 1 экскаватор жана жергиликтүү тургундардан 50 адам тартылган.
Тартылган күчтөрдүн аракетинде сел сууларынын нугун бурушкан жана 3 турак үйдүн короолору тазаланган. 6-август күнү селдин кесепеттерин жоюу иш-чаралары улантылат.
Пикирлер (0)
Пикир жок. Сиз биринчилерден болушуңуз мүмкүн