Баткенде рейддин жүрүшүндө буюм уурдаган өспүрүмдөр аныкталды

"Ууру" рейддик иш-чарасынын негизинде жаш өспүрүмдөр кармалды. Бул тууралуу  Баткен ОИИБнын Басма сөз кызматы билдирди.

     Баткен шаарында жайгашкан соода түйүндөрүнөн 2022-жылдын 14-февраль түнү белгисиз адамдар тарабынан сатыкта турган кийим-кечелер уурдалгандыгы боюнча Баткен ШИИБне 3 арыз келип катталат.

     "Ууру" рейддик иш-чарасынын жүрүшүндө Баткен ШИИБнин кылмыш иликтөө тобунун кызматкерлери тарабынан Баткен районунун Чоң-Талаа, Кара-Бак,  Айгүл-Таш,  Согмент айылдарынын тургундары аныкталып кармалды.

  Тергөө иштеринин жүрүшүндө кармалган жарандар жаш өспүрүм экендиги аныкталып, уурдалган буюмдардын жалпы чыгымы такталууда.