Бүгүн, 11-январь саат 17:00дөн баштап Арал жана Сосновка постторунда жүк ташуучу унаалардын өтүүсүнө чектөө киргизилди. Бул тууралуу "Кыргызавтожол" мамлекеттик ишканасынан билдиришти.
Маалыматка ылайык, мындай чаралар Бишкек — Ош унаа жолунда кар жаап жаткандыгына байланыштуу, кырсыктардын алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында кабыл алынды.
Ишканадан белгилешкендей, учурда Төө-Ашуу, Ала-Бел ашуусу, Чычкан капчыгайында кардан тазалоо жана инерттик материалдарды чачуу иштери жүргүзүлүүдө.
"Алыскы жолго чыккан айдоочуларга жайкы дөңгөлөктөрдү кышкы дөңгөлөккө алмаштыруу, дөңгөлөктөрдүн чынжырчаларын жана күрөктөрүн алып жүрүү сунушталат", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн