Алмазбек Атамбаев Кой-Таш окуясы боюнча 11,5 жылга кесилди. Дагы кимдерге сот өкүмү чыкты?

Мурдагы президент Алмазбек Атамбаев Кой-Таш окуясы боюнча сыртынан 11 жыл 6 айга эркинен ажыратылды.

Биринчи май райондук сотунда отурум аяктады. Атамбаевдин мүлкүн конфискациялоо, мамлекеттик сыйлыктарынан ажыратуу тууралуу да чечим кабыл алынган.

Кой-Таш окуясы боюнча Атамбаевден башка төмөнкүлөргө да соттун өкүмү чыкты:

- Фарид Ниязов — 7 жыл 8 ай;

- Канат Сагымбаев — 5 жылдык мөөнөткө пробациялык көзөмөл;

- Ирина Карамушкина — 7 жыл 6 ай;

- Равшан Жээнбеков — 7 жыл 8 ай;

- Кундуз Жолдубаева — 5 жылдык мөөнөткө пробациялык көзөмөл;

- Фархад Баабиев — 5 жыл 6 ай;

- Мээрбек Мискенбаев — 5 жылдык мөөнөткө пробациялык көзөмөл;

- Асел Кодуранова — 3 жылдык мөөнөткө пробациялык көзөмөл.

Эске салсак, буга сейинки чечим жокко чыгарылганына байланыштуу мурдагы президент эркиндикке чыгып, кийин чет өлкөгө дарыланууга кеткен.