Ала-Букада сууга чөгүп кеткен 7 жаштагы баланы издөө уланууда

Ала-Бука районунда сууга чөгүп кеткен баланы издөө иштери уланууда. Бул тууралуу ӨКМнын басма сөз кызматы билдирди.

Жалал-Абад облусунун Ала-Бука районунда 13-июль күнү Өзбекстан Республикасынын Наманган облусунда Касан-Сай дарыясына 2014-жылы туулган бала чөгүп кеткен. Өзбекстан Республикасынын аймагында Өзбекстан Республикасынын куткаруучулары тарабынан издөө иш-чарлары жүргүзүлүп, натыйжа болгон эмес. 

Касан-Сай дарыясы Биринчи Май айыл аймагынын Жаңы-Шаар жана Айры-Там айылдарын аралап өткөн Чүст каналына куйгандыгына байланыштуу Өзбекстан Республикасынын Өзгөчө кырдаалдар министрлигинин Наманган облустук башкармалыгынын башчысы издеп берүү каты менен кайрылган.

 15-июль күнү жерине издөө иш-чараларын жүргүзүү үчүн Ала-Бука райондук №73 ӨКБдан 5 куткаруучу тартылып издөө иш-чаралары жүргүзүлгөн.