Нарын облусунун Жумгал районунда 1,14 гектар жер өкмөткө кайтарылып, ага мамлекеттик ипотека программасы аркылуу турак жай куруу пландалууда. Бул тууралуу УКМКдан билдиришти.
Бул жер тилке "Жумгал айыл техсервис" ЖЧКсына таандык болгон. Жергиликтүү жетекчилер аны 2000-жылдардын башында мыйзамсыз менчиктештиргени анык болгон.
"Тергөөнүн жыйынтыгы менен 1,14 гектар жер мамлекетке кайтарылып, Чаек айыл аймагынын балансына өткөрүлдү. Азыркы тапта жергиликтүү бийлик бул тилкеге мамлекеттик ипотекалык программа аркылуу көп батирлүү үйлөрдү куруу мүмкүнчүлүгүн караштырып жатат", — деп жазылган маалыматта.
УКМК жер тилке менен ишкананын курулуштары жана мүлкү да жеке колго өткөнүн белгилеп, аларды кайтаруу боюнча иштер уланып жатканын кошумчалады.
Пикирлер (0)
Пикир жок. Сиз биринчилерден болушуңуз мүмкүн