Жалал-Абад облусунда 100 орундуу оорукананын курулушу жүрүүдө. Бул тууралуу өкмөттүн Жалал-Абад облусундагы ыйгарым укуктуу өкүлүнүн орун басары Ырысбек Ызабеков 6-августтагы брифингде билдирди.
Анын айтымында, учурда, курулушту каржылоо маселеси чечилди.
"Ошондой эле, Түштүк аймактык жүрөк-кан-тамыр хирургиясынын изилдөө борборунун имаратында капиталдык ремонт өткөрүлүп жатат”, - деди Ырысбек Ызабеков.
Анын айтымында, коронавирустун экинчи толкунуна байланыштуу божомолдорго атайын комиссиянын чечими менен 39 пункттан турган иш-чаралардын планы белгиленди.
Иш-чаралар тийиштүү органдар тарабынан бекитилиши күтүлүүдө. Негизинен, күз мезгилинде оору-сыркоо көп болоорун эске алынып, бул боюнча бардык район шаарлардагы жетекчилерге тапшырма берилип, иштер жүрүп жатканы маалым болду.
Пикирлер (0)
Пикир жок. Сиз биринчилерден болушуңуз мүмкүн