Сузак районунун карантин жарыяланган Бостон, Благовещенка жана Орто-Азия айылдарында 19 жерге блок-посттор орнотулду. Мындай маалыматты облустук ички иштер башкармалыгынын башчысы Кылыч Жолдошев Жалал-Абадда өткөн басма сөз жыйынында билдирди.
"Аталган айылдарда адамдардын кирип чыгышына чектөө киргизилди. Сыртан келген адамдар болсо артка кайтарылып жатат. Жергиликтүү тургундарга бул боюнча тушүндүрүү иштери жүргүзүлүүдө. Кырдаалга байланыштуу блок-посттордун саны дагы көбөйүшү мүмкүн", - деди Жолдошев.
Белгилей кетсек, бүгүн, 18-мартта Жалал-Абад облусунун Сузак районунда 3 тургундан коронавирус илдети табылганын Саламаттыкты сактоо министри кабарлаган болчу.
Пикирлер (0)
Пикир жок. Сиз биринчилерден болушуңуз мүмкүн