Эмгек, социалдык өнүктүрүү жана миграция министри Кудайберген Базарбаев Сокулукта сабалган баладан кабар алды. Бул тууралуу министрликтин басма сөз кызматы билдирди.
Ага ылайык, кордолгон бөбөк Бишкектеги №3 балдар ооруканасына которулган. Министр баланын ал-абалын сурап, ага жолуккан соң тиешелүү адистерге анын документтерин тезирээк бүтүрүүнү тапшырган. Ошондой эле балага социалдык, психологиялык жана анын үй-бүлөсүнө укуктук жардам көрсөтүү тапшырмасын берген.
Учурда Сокулук районунун эмгек, социалдык камсыздандыруу жана миграция башкармалыгы тарабынан баланы жана анын үй-бүлөсүн коргоо боюнча өзүнчө план иштелип чыкканы айтылды.
Пикирлер (0)
Пикир жок. Сиз биринчилерден болушуңуз мүмкүн