Өзгөчө кырдаалдар министрилиги туруксуз аба-ырайына, нөшөрлүү жаан-чачынга байланыштуу 25-июнда тоо этектеринде жана тоолуу райондордо сел жүрүп, дарыяларда суунун деңгээли көтөрүлөрүн эскертти.
"Кыргызгидромет" кабарлагандай, 25-июнда түнкүсүн Чүй,Ысык-Көл, Нарын облустарынын кээ бир райондорунда, Жалал-Абад облусунун тоо этектеринде жана тоолуу райондорунда өткүн өтүп, күн күркүрөйт. Бийик тоолуу райондорунда кар жаайт. Күндүз Ысык-Көл облусунун көпчүлүк аймактарында, Чүй, Талас, Нарын облустарынын кээ бир райондорунда, Жалал-Абад облусунун тоо этектеринде жана тоолуу райондорунда, Ош, Баткен облустарынын тоолуу райондорунда өткүн өтүп, күн күркүрөйт. Бийик тоолуу райондорунда кар жаашы мүмкүн.
Пикирлер (0)
Пикир жок. Сиз биринчилерден болушуңуз мүмкүн