Бүгүн, 11-май күнү Араван районунун Алля Анаров айыл өкмөтү тарабынан «Кайдыгер караба, кайрымдуу бол!» аталышындагы иш-чара өтүп, 300 жетим балага баалуу белектер тапшырылып, сый тамак жана концерттик программа тартууланды. Бул тууралуу президенттин Ош облусунун ыйгарым укуктуу өкүлүнүн басма сөз кызматы билдирди.
Аталган иш-чарага КР Президентинин Ош облусундагы ыйгарым укуктуу өкүлү Зиядин Жамалдинов, өкүлдүн орун басары Данияр Жаныкулов, Араван райондук мамлекеттик администрациясынын башчысы-аким Сейтек Кулубаев ж.б. коноктор катышты.
Кайрымдуулук иш-чара Кыргыз Республикасынын Президентинин «Инсандын руханий-адеп-ахлактык өнүгүүсү жана дене тарбиясы жөнүндө» жарлыгына ылайык, 1-июнь балдарды коргоо күнүнө карата өткөрүлдү.
Пикирлер (0)
Пикир жок. Сиз биринчилерден болушуңуз мүмкүн