Бишкектеги Панфилов атындагы сейил бактагы окуядан кийин министрлер кабинетинин төрагасы Адылбек Касымалиев Жаратылыш ресурстары, экология жана техникалык көзөмөл министрлигине коопсуздук талаптарына жооп бербеген, адамдын өмүрүнө жана ден соолугуна коркунуч туудурган аттракциондордун ишмердүүлүгүн токтотуунун бирдиктүү тартибин тез арада иштеп чыгууну тапшырды.
Учурда окуя боюнча тергөөгө чейинки текшерүү иштери башталды. Милиция да тиешелүү иштерди алып барууда.
Текшерүү иштеринин жыйынтыгынан соң юридикалык баа берилет.
Эске салсак, күн мурун аттракциондон кулаган 19 жаштагы кыз учурда ооруканада оор абалда жатат.
Пикирлер (0)
Пикир жок. Сиз биринчилерден болушуңуз мүмкүн