Күч органдары аскер кызматкери катышкан жол кырсыгына комментарий берди

Адам өлүмү менен коштолгон кырсыкка кабылган Ички аскерлердин аскер кызматчысы окуя болгон учурда дарыланууга өргүүгө чыккан. 

Маалым болгондой, окуя боюнча кызматтык иликтөө жүрүп жатат.

«Жабырлануучулар Улуттук госпиталдын жандандыруу бөлүмүндө каза болушкан. Окуя боюнча Бишкек гарнизонунун Аскердик прокуратурасына маалымат түшкөн. Аскер кызматкери Э.Ж. 20-июндан бери амбулатордук дарыланууда болчу», - деп билдиришти.

Эске салсак, Ички аскерлердин аскер кызматкери эки жөө жүргүнчүнү сүзүп өлтүргөн. Кырсык 5-июль күнү саат 22.00дөр чамасында болгон. Алдын ала маалыматтарга караганда, "Мерседес-Бенц" унаасынын айдоочусу мас абалында болгон.