Коронавирус менен ооруп жаткан адамдарга Ысык-Көлгө барууга болбойт. Бул тууралуу ден соолукту чыңдоо борборунун дарыгери Жамиля Усупова "Дарыгер байланышта" программасынын түз эфиринде билдирди.
Анын айтымында, Ысык-Көлдүн аба ырайы адамдын ден соолугуна жакшы таасир берет.
"Эгерде сиз коронавирус менен ооруган эмес болсоңуз, анда албетте, Ысык-Көлгө барып эс алсаңыз болот. Сөзсүз түрдө социалдык аралыкты сактап, чоң компания менен эмес, жакындарыңар менен гана барсаңыз болот. Эгерде сиз коронавирус менен ооруп жатсаңыз, анда сизге Ысык-Көлгө барып, көлгө түшүүгө болбойт.
Ал эми ооруп айыккан болсоңуз, анда стационардан чыккандан кийин 2 жума обочолонууда болушуңуз керек. Андан кийин гана организмиңизди калыбына келтирүү үчүн Ысык-Көлгө барууга болот. Бирок, ооруп айыккан адам сууга түшкөндө организми стресске кабылат. Ошондуктан сууга түшпөй турганы жакшырак", - деди дарыгер.
Пикирлер (0)
Пикир жок. Сиз биринчилерден болушуңуз мүмкүн