Чек араны тактоодо тажиктердин 1924-1927-жылдардагы чек араны негиз кылалы дегени бизге Жерге-Тал, Мургабды кайра алууга жакшы жол ачып берди. Аракеттенели! Ниетти түз кылып, чын пейилден киришсек, буюрса Жерге-Тал менен Мургаб биздики болот. Ал жерлерди Кыргызстанга кайра кошуп алгандан кийин өнүктүрүү маселесин эмитен ойлоно беришибиз керек!
Ошон үчүн ойду-тоону сүйлөп, ал болбойт, бул болбойт, ал минтип койду, бул минтип койду деп ыргылжың боло бербешибиз керек. Эгер бир идеяга биригип, чоң күчкө айлансак бийлик да, тажиктер да эсине келип, эл менен эсептешүүгө аргасыз болот. Андыктан ар кайсыл шылтоону айтып ыргылжың болгондор жок дегенде тоскоол болбой, кумга башыңарды катып тургулачы, байболгурлар!
Кыяз Молдокасымов, тарыхчы
Пикирлер (0)
Пикир жок. Сиз биринчилерден болушуңуз мүмкүн