Ош шаарынын мэриясынын менчик башкармалыгынын башчысы Ашимжан Семетеев кызматынан убактылуу четтетилди. Бул тууралуу Ош шаарынын мэриясынын басма сөз кызматы билдирди.
Ош шаарынын прокуратурасы тарабынан 03-141-2022-0000001 сандуу кылмыш иши боюнча жүргүзүлүп жаткан тергөө амалдары аяктаганга чейин КРнын Эмгек кодексинин 76-беренесинин 1-пунктуна, "Мамлекеттик жарандык кызмат жана муниципалдык кызмат жөнүндө" Мыйзамынын 27-беренесинин 1-пунктуна ылайык убактылуу кызматтан четтетүү тууралуу бүгүн мэрдин буйругу чыкты.
Анын кызматтык милдеттерин убактылуу аткаруу башкармалыктын жерлерди ижарага берүү бөлүмүнүн башчысы Эмиль Туленбаевге жүктөлдү.
Пикирлер (0)
Пикир жок. Сиз биринчилерден болушуңуз мүмкүн