Бүгүн, 6-июнда Кара-Суу районунда турак үйдөн өрт чыгып жанындагы дүкөнгө да өткөн. Бул тууралуу Өзгөчө кырдаалдар министрлигинин маалымат кызматы билдирет.
Маалыматка ылайык, түнкү саат 2:15 чамасында Кара-Суу районунун Шарк айыл өкмөтүнө караштуу Падаван айылынын Көк-Таш көчөсүндө турак жайдан өрт чыккандыгы тууралуу маалымат түшкөн.
Өрт кырсыгы ири болгондуктан, жерине КР ӨКМнин 4 өрт өчүрүүчү бөлүмү тартылган.
Тилсиз жоонун кесепетинен жалпы аянты 300 чарчы метр болгон жыгач устундуу шифер менен жабылган турак үйдүн жана жанына жанаша жайгашкан дүкөндүн чатыры күйгөн.
Өрт саат 02:55 чектөөгө алынып, толук 04:24 өчүрүлдү.
Учурда өрттүн келип чыгуу себеби такталууда.
Кырсыктан жабыркагандар жок.
Пикирлер (0)
Пикир жок. Сиз биринчилерден болушуңуз мүмкүн