Чолпон-Ата шаарында “Өспүрүм түн” аталышындагы 3 күндүк рейд жүрдү. Бул тууралуу Ысык-Көл ОИИБдин басма сөз кызматынан билдиришти.
Маалыматка ылайык, милиция кызматкерлери жана шаардын тийиштүү кызматтарынын өкүлдөрү 50гө жакын коомдук жайларды текшерүүгө алышкан. Анын жүрүшүндө өспүрүмдөр тарабынан санитардык-эпидемиологиялык эрежелерди сактоо жана түнкү мезгилде жакындарынын коштоосу жок жүргөнү каралган.
Үч күндүк рейд учурунда Чолпон-Ата шаарында 7 өспүрүм түнкү мезгилде жалгыз жүргөндүгү аныкталган. Бардык аныкталган балдар ата-энелеринин колдоруна өткөрүлүп берилип, алар менен түшүндүрүү иштери өткөрүлгөн. Ошондой эле рейд учурунда беткапсыз жүргөн өспүрүмдөр аныкталып, алардын ата-энелери менен түшүндүрүү иштери жүргүзүлгөн.
Пикирлер (0)
Пикир жок. Сиз биринчилерден болушуңуз мүмкүн