Дүйнө чемпионаты 3-күн: Сауд Арабиядан сенсация, эки тең чыгуу жана учурдагы чемпиондордун ири жеңиши

22-ноябрда Катарда өтүп жаткан дүйнө чемпиондугунун 3-күнү жыйынтыкталды.

Алгачкы матч Сауд Араб Падышалыгы менен дүйнөлүк чемпионатта фаворит аталган командалардын бири Аргентина курамасы беттешти.

Беттеште Аргентина алдыга чыкканына карабай экинчи бөлүктө Сауд Арабия оюнчулары эсепти 2:1ге өзгөртүп сенсация жаратты.

Экинчи жана үчүнчү оюнда Дания менен Тунис жана Мексика менен Польша кез келди.

Эки беттеш  да 0:0 менен аяктады.

Ал эми төртүнчү беттеш учурдагы дүйнө чемпиону Франция менен Австралия ортосунда болду.

Беттеш күтүлгөндөй эле Франциянын жеңиши менен аяктады. Эсеп 4:1.