ДКО: Кыргызстан көкбөрү боюнча финалда Казакстанды жеңип, көкпар боюнча жеңилип калды

Түркиянын Изник шаарында өтүп жаткан Төртүнчү Дүйнөлүк көчмөндөр оюндарынын алкагында көк бөрү боюнча финалда Кыргызстан менен Казакстан туш келди.

Оюнда кыргыз спортчулары казакстандык атаандаштарына эч кандай мүмкүнчүлүк берген жок. Беттеш 5:0 эсеби менен аяктады. Кыргызстан көк бөрү боюнча IV Дүйнөлүк көчмөндөр оюндарын чемпиону болду.

Ал эми көкпар боюнча Казакстан алтынга болгон беттеште 4:3 эсеби менен жеңишти илип кетти.