Бишкектеги №72 мектептин окуучусунун өлүмүнө байланыштуу кылмыш иши козголду

Бишкектеги №72 мектептин 8-класстагы окуучусунун каза болушу боюнча иш козголуп, тергелүүдө. Бул тууралуу ШИИББ билдирди.

Маалыматка караганда, 10-февралда А.Д. аттуу жаран баласын ажатканадан сабаган ошол эле мектептин үч окуучусуна чара көрүүнү суранып арыз жазган. Эс учун жоготкон өспүрүм Кардиология борборуна жеткирилип, 4-февралда каза тапкан.

"Маркумдун ата-энесинин доо арызы кылдат каралып, ар тараптуу иликтөө жүргүзүлөт", — дешти милициядан. 

Факт боюнча Ленин райондук милициясы Кылмыш жаза кодексинин 130-беренеси (Ден соолукка оор залака келтирүү) боюнча иш козгоду.