Төрага Талант Мамытов кыргыз-казак биримдигин даңазалаган аллеянын ачылышына катышты. Бул тууралуу Жогорку Кеңештин Басма сөз кызматы билдирди.
Бүгүн, 3-сентябрда Төрага Талант Мамытов баштаган Жогорку Кеңештин депутаттары Кыргыз Республикасынын жана Казакстан Республикасынын Эгемендүүлүгүнүн 30 жылдыгына карата эки элдин биримдигин даңазалаган “Достук” аллеясынын ачылышына катышты.
Аземде сөз сүйлөгөн Төрага Талант Мамытов: “Куштун эки канатындай кыргыз менен казак эзелтен эриш-аркак, орток көчмөн маданиятын калыптандырышкан. Бир тууган эки эл чокусу бийик Ала-Тоону, касиеттүү кең талааны турак кылып келишкен. Кыргыз-казак байланышы кылымдардан бери келе жаткан кандаш, тамырлаш байланыш. Бүгүнкү ачылып жаткан парк мунун анык мисалы”, – деди.
Салтанаттын алкагында боордош эки өлкөнүн достугун чагылдырган дарак көчөттөрү отургузулуп, бир катар куттуктоо сөздөрү айтылды.
Пикирлер (0)
Пикир жок. Сиз биринчилерден болушуңуз мүмкүн