Бишкек 106 мобилдик топко муктаж, учурда 38 бригада иштеп жатат, - Каратаев

Бишкек шаары 106 мобилдик топко муктаж, учурда 38 бригада иштеп жатат. Бул тууралуу саламаттыкты сактоо министринин орун басары Мадамин Каратаев 24-июндагы брифингде билдирди.

“Мобилдик топко азыркы учурда кайрылуулар көп болуп, чоң кысымда иштөөдө. Республика боюнча 649 мобилдик топ түзүлгөн. Бирок бул жетишсиз болууда.  Бизде тез жардам унаалары жетишпейт. Бишкек 106 биригадага муктаж, учурда 38 эле бригада иштеп жатат. Буга чейин жол кырсыгы катталып 2 унаа жарактан чыгып калды. Мобилдик топ кайрылган жарандарга бир күндүн ичинде сөзсүз барат”, - деди Каратаев.